“Magmaliw Ak No Antoy Pilien Kon Pagmaliwan”

Walay espisyal ya impaamta nen Jehova ed si Moises nipaakar ed Sikato. Sarag nen Jehova so magmaliw ya antokaman a nakaukolan ed anggan anton situasyon pian nasumpal so linawa to, basta ag-onlampas ed saray perpekton estandarte to. Singa say toon ateng, sarag nen Jehova so magmaliw ya antokaman a nakaukolan pian naasikaso iray ananak to.

Anto ray pinili nen Jehova ya pagmaliwan to pian naasikaso ak?

Saray litrato: Sakey ya ama ya aasikasoen toy pamilya to ed nanduruman paraan. 1. Sikatoy miiistoryaan ed anak ton laki antis ton paugipen. 2. Idadaulo toy pangonsidera na teksto ed agew kaibay asawa tan anak to. 3. Ibabangat toy anak to ya manbisikleta.