Inliktar nen Jehova si Jose

41:9-13, 16, 29-32, 38-40

Si Jose et nagmaliw ya aripen tan priso diad loob na manga 13 taon antis ya inliktar nen Jehova. Imbes ya manem-em na sakit na linawa, inusar nen Jose iray naeksperiensya to pian napino. (Sal 105:17-19) Amta to ya sikatoy agbalot pinaulyanan nen Jehova. Panon ya ginawa nen Jose so sankaabigan to anggano mairap so situasyon to?

• 

  Impanengneng to ya sikatoy makuli tan napanmatalekan, kanian benendisyonan nen Jehova.​—Ge 39:21, 22

• 

  Impanengneng to so malasakit ed arum imbes ya mannonot na paraan pian makabawi ed saramay nanggawa na mauges ed sikato.​—Ge 40:5-7

Panon ya makatulong ed siak so agawa ed si Jose pian naanosan ko ray problemak?

Legan kon aalagaren so panangiliktar nen Jehova no Armagedon, panon kon nagawaan so sankaabigan ko anggano mairap so situasyon ko?