Alig Yoy Jose​—Ibatikan so Imoralidad

Maong ya alimbawa ed sikatayo si Jose no natutukso itayon manggaway seksual ya imoralidad. Kada no sikatoy tuksoen na asawa na katawan to, sikatoy ontanggi. (Ge 39:7-10) Diad samay ebat to ya, “Panon kon nagawaan iyan baleg a kaugsan tan makapankasalanan ak ed Dios?” napatnagan ya atalosan to lad saman so panmoria nen Jehova nipaakar ed panmatoor na sanasawa ed sakey tan sakey. Insan nen alanganin lay situasyon, sikatoy batik imbes ya mansiansia ni tan ikdan na pankanawnawa so bii ya napakapuy so determinasyon to.​—Ge 39:12; 1Co 6:18.

BANTAYAN SO VIDEO YA IBATIKAN SO IMORALIDAD, INSAN EBATAN IRAYA:

• 

  Antoy naeksperiensya nen Jin?

• 

  Antoy intepet nen Jin ed sarili to sanen patutulongan si Mee-Kyong ed assignment tod math?

• Antoy epekto ed si Jin na kerew nen Mee-Kyong?

• 

  Panon ya nampatulong si Jin?

• 

  Antoy ginawa nen Jin pian nibatikan toy imoralidad?

• Anto ray naaralan mo ed video?