KAYAMANAN ED SALITA NA DIOS | GENESIS 31

Si Jacob tan Laban et Nanggaway Sipanan na Kareenan

Akin ya nanggaway bunton na bato si Jacob tan si Laban?

Tanda itan parad amin ya makanengneng ya walay ginawa dan dua ya sipanan na kareenan
Ipapanonot na satan ed sikara ya manbabantay si Jehova pian nengnengen no totooren day ginawa ran sipanan na kareenan

Litrato: 1. Diad Kingdom Hall, ansakit so kakanengneng na duaran sister ed balang sakey. Diad benegan da, maneelekan tan mantotongtong iray agagi. 2. Sarayan parehon sister et akayurong ed paway ya mankakape tan balibali lay ulopan da. Walay walad lamisaan ya regalo tan Biblia.

Natan, iilaloan met nen Jehova ya maong so ulopan na totoo to. Panon ya say panggawa ed sarayan taloran paraan et makatulong ed sikatayo pian napansiansia odino nipawil so kareenan?

Mantongtong kayon dua.—Mat 5:23, 24
Mabulos ya mamerdona.—Col 3:13
Manpasensya.—Rom 12:21