Siopa ray Imbitaan Ko?

Kada taon, gagawaen tayoy anggaay nayarian tayon imbitaan ed Memoryal iray totoo diad teritorya tayo. Maslak ed sikara et agtayo kabat. Balet, kaukolan tayo met ya imbitaan iramay kabat tayo. No kabat na totoo no siopay angimbita, mas posiblin onatendi ira. (yb08-TG 11 ¶3; 14 ¶1) Siopa ray nayarim ya imbitaan?

• Kapamilya o kakanayon

• Katrabaho o kaeskuela

• Kakaabay

• Saray papawilen mo tan saray dati o peles ya iyaaralan mo na Biblia

Likud ed saratan, sarag na saray elder ya imbitaan iray inaktibo. Panon to no samay kabat mo et aliwan diad teritorya yo so panaayaman to? Sarag mon amtaen so oras tan lugar na Memoryal ya asingger ed panaayaman to no i-click moy NIPAAKAR ED SIKAMI diad website ya jw.org tan pilien so “Memoryal.” Legan kan manpaparaan parad Memoryal ed sayan taon, isip mo no siopa ray nayarim ya imbitaan, tan ikdan mo ra na imbitasyon.