BILAY NA KRISTIANO

Napakiwas Lapud Maabig ya Ugali tan Aralem a Respeto

Saray asawan bibii a nagmaliw ya Tasi et mabetbet ya napakiwas day asawa da ya awaten so katuaan lapud maabig ya ugali ra. Balet ompan kaukolan day mananos na dakel a taon pian nagawaan iya. (1Pe 2:21-23; 3:1, 2) No napapasegsegang ka, itultuloy mon daegen so mauges panamegley na maong. (Rom 12:21) Anggan ag-ondengel so asawam ed ibabagam nipaakar ed si Jehova, ompan awaten to lanlamang so katuaan no nanengneng toy maabig ya alimbawam.

Iyan moy sarilim ed situasyon na asawam. (Fil 2:3, 4) Ipanengneng moy empatya tan panangasi, tan gawam so anggaay nayarian mon sumpalen so responsabilidad mo. Dengel mo no walay ibabaga na asawam. (San 1:19) Mananos ka tan ipaliknam ya inar-arom. Anggano siansia nin aliwan maabig so ipapanengneng tod sika, makaseguro ka ya papablien nen Jehova so katooran mo.—1Pe 2:19, 20.

BANTAYAN SO VIDEO YA PAPABISKEGEN ITAYO NEN JEHOVA PIAN NASARAG IRAY PAKAKABELATAN TAYO, INSAN EBATAN IRAYA:

Antoy situasyon nen Grace Li kayari ton akiasawa?
Akin et inawat toy katuaan?
Panon ya inanosan nen Sister Li iray subok kayari ton abautismoan?
Antoy impikasi nen Sister Li nipaakar ed asawa to?
Anto ran bendisyon so panliliketan nen Sister Li lapud impanengneng ton maabig ya ugali tan aralem a respeto?

Collage: Eksena ed video ya ‘Papabiskegen Itayo nen Jehohva Pian Nasarag Iray Pakakabelattan Tayo,’ ya nanengneng so inyaligwas nen Grace Li. 1. Onaakis si Grace. 2. Sister ya iyaaralan toy Biblia si Grace Li. 3. Si Grace kaibay ananak to ya ompapaway ed restaurant da pian miaral. 4. Si Grace kaibay siameran membro na pamilya to diad Kingdom Hall. — Baleg so nagawaan na maabig ya ugali tan aralem a respeto!