Matoor si Jehova

10:13

Sarag nen Jehova ya ekalen so subok; balet, mabetbet ya sikatoy manggagawa na “dalan a pawayan” diad pangitatarya tod kaukolan tayo pian nasungdoan tayo itan.

• Sarag to tayon tulongan ya mannonot na duga, tan napaseseg tan naligliwa panamegley na Salita to, say masanton espiritu to, tan saray espiritual a naakan ya itatarya to.​—Mat 24:45; Jn 14:16, paimanod leksab; Rom 15:4

• Sarag to tayon iwanwan panamegley na masanton espiritu, ya mangipanonot ed sikatayo ed saray salaysay tan prinsipyo na Biblia pian natebek tayo no antoy nepeg ya gawaen.​—Jn 14:26

• Sarag ton usaren iray anghel to ya ontulong ed sikatayo.​—Heb 1:14

• Sarag to tayon tulongan panamegley na saray agagi.​—Col 4:11