Si Jesus et Inatey Met Parad Agim

Insakripisyo nen Jesus so bilay to parad saray aliwan perpekton totoo. (Rom 5:8) Seguradon personal tayon aapresyaen so impanengneng nen Jesus ya panangaro diad impangiter toy bilay to parad sikatayo. Balet no maminsan, ompan kaukolan tayon panonotan so sarili tayo ya si Kristo et inatey met parad saray agagi tayo. Panon tayon nipanengneng so singa Kriston panangaro ed saray agagi tayo ya aliwa met a perpekto ya singa sikatayo? Niay taloran paraan. Unona, sarag tayon palaknaben so pikakaaro tayo pati diad saramay dumay nanlapuan da. (Rom 15:7; 2Co 6:12, 13) Komadua, paliisan tayoy mangibaga odino manggaway bengatlan makasakit ed arum. (Rom 14:13-15) Komatlo, no walay nankasalanan ed sikatayo, mainomay tayo komon so mamerdona. (Luc 17:3, 4; 23:34) No pansagpotan tayon aligen si Jesus diad ontan iran paraan, tuloytuloy ya bendisyonan nen Jehova so kongregasyon, ya ikdan to na kareenan tan pankakasakey.

BANTAYAN SO VIDEO A MAGMALIW YA MAS MAONG YA KRISTIANO! INSAN EBATAN IRAYAN TEPET:

• 

  Diad unaan, antoy alikna nen Miki ed kongregasyon to?

• 

  Akin et anguman so liknaan to?

• 

  Panon ya akatulong so alimbawa nen Jesus pian nipetek so panagnonot nen Miki? (Mar 14:38)

• 

  Panon ya makatulong ed sikatayo so Proverbio 19:11 pian positiboy pakanengneng tayod saray agagi?