Atateng, Tulongan Yo ray Ananak Yon Ontalona

Pirawat na saray matakot ed Dios ya atateng a nanengneng dan magmaliw ya matoor a lingkor nen Jehova iray ananak da. Natulongan na atateng iray ananak dan magmaliw ya ontan no ipurek dad sikara iray bangat na Biblia manlapud inkaugaw. (De 6:7; Pro 22:6) Kasin mankaukolan iya na pansakripisyo? On siempre! Pero nabawbawi day pansagpot da.​—3Jn 4.

Makaaral iray atateng ed si Jose tan Maria. ‘Niyugali da la so tinaon ya iyakar ed Jerusalem parad piesta na Paskua,’ anggano kaukolan day mansagpot tan baleg so gastos. (Luc 2:41) Mapatnag ya sankaimportantian ed sikara so espiritualidad na pamilya ra. Ontan met natan, nigiya na atateng iray ananak da ed dugan direksion no anamoten day kada pankanawnawan ibangat ira diad panamegley na salita tan alimbawa.​—Sal 127:3-5.

BANTAYAN SO VIDEO YA INUSAR DA SO KADA PANKANAWNAWA, INSAN EBATAN IRAYAN TEPET:

• Panon ya inyuna nen Jon tan Sharon Schiller so Panarian legan dan papabalegen iray ananak da?

• Akin et nepeg ya itukoy na atateng so panagdisiplina ed pankaukolan na kada anak?

• Panon ya niparaan na atateng iray ananak da ya nasungdoan iray subok ed pananisia?

• Anto ran probisyon na organisasyon nen Jehova so asalim lan inusar pian natulongan mo ray ananak mon onaligwas ed espiritual?