‘Walk by Faith, Not by Sight’
Antis ya nakubkob tan naderal so Jerusalem, insulat nen apostol Pablo a saray Kristiano, bilang maong a sundalo na Kristo, et makaeksperiensya na irap tan agda nepeg ya iyuna so pakainawaan da tan likeliket. (2 Tim. 2:3, 4) Lapud asingger lan naderal iyan mauges a mundo, nakaukolan tayoy mabiskeg a pananisia pian makapanpokus tayo ed saray espiritual a bengatla. (2 Cor. 4:18; 5:7) Bantayan so video ya ‘Walk by Faith, Not by Sight.’ (Onlad jw.org, tan nengnengen so PUBLICATIONS > VIDEOS.) Imanoen no panon a say sobran panangarod materyal iran bengatla et nagmaliw a patit ed si Naham tan Abital. Insan repasoen irayan tepet.
(1) Anto so ‘makapadimlan bengatla a manalalagey ed masanton pasen’ nen inmunan siglo, tan antoy kaukolan a gawaen na saray Kristianon manaayam ed Jerusalem? (Mat. 24:15, 16) (2) Akin a nakaukolan so pananisia diad itaynan ed Jerusalem? (3) Anto ray nepeg ya isakripisyo na saramay ontaynan? (4) Akin et nampaleen si Naham tan Abital? (Mat. 24:17, 18) (5) Anto ni ray subok ed pananisia nen Rachel nen ontaynan lad Jerusalem? (Mat. 10:34-37; Mar. 10:29, 30) (6) Panon ya impanengneng nen Ethan so maong ya alimbawa nipaakar ed pananisia tan panagmatalek ed si Jehova? (7) Anto ray irap a naeksperiensya na saray Kristiano diad Pella? (8) Panon a kalkalnan kinmapuy so pananisia di Naham tan Abital? (9) Panon ya inasikaso nen Jehova iray Kristianon manaayam ed Pella? (Mat. 6:33; 1 Tim. 6:6-8) (10) Panon tayon naalig si Abraham tan Sara legan a manasingger so anggaan na sayan sistema na mundo? (Heb. 11:8-10) (11) Akin et inisip nen Naham tan Abital ya ompawil ed Jerusalem, tan akin et makapuy itan? (Luc. 21:21) (12) Anton talagay kipapasen ed Jerusalem nen pinmawil si Naham tan Abital? (13) Akin a nepeg tayon pabiskegen so pananisia tayo natan—antis ya onsabi anggaan na sayan sistema na mundo?—Luc. 17:31, 32; 21:34-36.
Pian makapanakar unong ed pananisia, kaukolan tayon (1) manmatalek ed panangigiya nen Jehova, (2) paigiya ed saray ganggan to, tan (3) ipatnag a mas papablien tayo ray espiritual a bengatla nen saray materyal a bengatla. Komon ta determinado tayon manakar unong ed pananisia, a manmatalek tayo a “say mundo tan say pilalek na satan et agmansiansia, balet samay manggagawa na linawa na Dios et mansiansia ed andi-anggaan.”—1 Juan 2:17.