Maabig Iran Report ed Serbisyo

Walay nanreport ya 198,478 a manangipalapag nen Enero, satan et balon sankatageyan a bilang. Asabi so 266,777 ya panangiyaral na Biblia, tan 2,435,543 so niyopresin magasin. Kada regular payunir et walay average ya 4 ya iyaaralan na Biblia, tan makapaliket ta masulok ya 10 oras so average na kada manangipalapag. Makapaseseg ya nanengneng ya amin et pansiasiansiaen day ‘simplin mata’ tan manpopokus ed Panarian!​—Mat. 6:22.