Saray Pakabat

◼ Opresin literatura parad Hunyo: Anto so Peteg ya Ibabangat na Biblia? odino anggan dinan ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, Naandi ni Kasi Paniirap?, odino Kasin Labay Mon Naamtaan so Katuaan? Hulyo tan Agosto: Maong a Balita ya Nanlapud Dios! odino anggan dinan ed sarayan 32-pahina ya brosyur: Peteg Kasin Manatalima so Dios ed Sikatayo?, odino What Is the Purpose of Life?, tan salien ya igapoy panangiyaral na Biblia. Setyembre tan Oktubre: Saray magasin ya Panag-bantayan tan Onliing!

◼ Amin ya tract tan imbitasyon ya inter ed kada indibidual odino intilak ed saray abung ya anggapoy too et nepeg ya ireport tan isulat ed kolum ya “Brochures and Tracts.” No angipanengneng na interes so unabung tan angawat na literatura anggano tract, nepeg ya pawilen pian nabayuboan so interes to.

◼ Onggapo ed simba na Oktubre 19, 2015, aralen so libron Aligen so Pananisia Ra ed Panagaral na Kongregasyon ed Biblia. Labay ton ibaga et itunda lad satan so panaaral ed libron Apocalipsis diad Bicol, Pangasinan, tan Waray-Waray. Nepeg ya mangorder iray kongregasyon ya mankaukolan na kaaruman iran kopya ed onsublay ya pan-order day literatura. Saramay labay day electronic ya publikasyon et i-download da la itan ed jw.org/pag imbes ya mangalay niimprintan kopya.