Repaso ed Teokratikon Eskuelaan Parad Ministeryo
Sarayan tepet et pantongtongan diad Teokratikon Eskuelaan Parad Ministeryo legan na simba ya onggapo ed Hunyo 29, 2015. Say petsa no kapigan aka-eskedyul so kada punto et insulat pian makapan-research no manpaparaan kada simba.
Antoy aliwa ed imbaga nen Mical ed si David, tan anton leksion so naaralan na saray sanasawa ed sayan agawa? (2 Sam. 6:20-23) [Mayo 11, w11-E 8/1 p. 12 par. 1]
Antoy reaksion nen Natan nen impetek na Dios lapud imbaga tod si David ya sarag toy manpaalagey na templo nen Jehova? (2 Sam. 7:2, 3) [Mayo 11, w12 2/15 p. 24 par. 6-7]
Base ed salaysay diad 2 Samuel 12:1-7, akin ya angusar na ilustrasyon si Natan, imbes ya direkta to labat lan ibaga ya akagaway seryoson kasalanan si David? Panon yan makatulong pian magmaliw tayon maong a managbangat? [Mayo 18, w12 2/15 p. 24 par. 2-3]
Akin ya apalikdo nen Absalom iray Israelita, tan panon tayon naprotektaan so sarili tayo ed singa “Absalom” iran totoo natan? (2 Sam. 15:6) [Mayo 25, w12 7/15 p. 13 par. 7]
Panon ya intaryaan nen Jehova si David diad panaon ya kakkaukolan to, tan antoy naaralan tayod saya? (2 Sam. 17:27-29) [Hunyo 1, w08 9/15 p. 6 par. 15-16]
Antoy naaralan tayo ed ugalin impanengneng nen David ed si Etai ya tagad arum a bansa? (2 Sam. 18:2) [Hunyo 1, w09 5/15 p. 27 par. 7]
Antoy naaralan na saray maedad lad kongregasyon ed alimbawa nen Barzillai? (2 Sam. 19:33-35) [Hunyo 8, w07 7/15 p. 15 par. 1-2]
Unong ed imbaga nen David nipaakar ed panangasi [katooran, NW], panon ya napaseguroan iray lingkor nen Jehova natan? (2 Sam. 22:26, NW) [Hunyo 15, w02 8/15 p. 5 par. 4]
Panon ya impanengneng nen Natan so katooran tod Dios, tan panon tayon naalig? (1 Ara. 1:11-14) [Hunyo 22, w12 2/15 p. 25 par. 1, 4-5]
Panon ya nayarin manbaraan lay sakey a lingkor na Dios pian ibaliwala to ray ganggan na Dios, a singa ginawa nen Solomon? (1 Ara. 3:1) [Hunyo 29, w11 12/15 p. 10 par. 12-14]