Repaso ed Teokratikon Eskuelaan Parad Ministeryo

Sarayan tepet et pantongtongan diad Teokratikon Eskuelaan Parad Ministeryo legan na simba ya onggapo ed Abril 27, 2015. Say petsa no kapigan aka-eskedyul so kada punto et insulat pian makapan-research no manpaparaan kada simba.

Anton klasen panangaro so matoor a panangaro, tan diad anto ran parte na bilay itan kakkaukolan? (Rut 1:16, 17) [Mar. 2, w12 7/1 p. 26 par. 6]
Akin ya akabkabat si Rut ya ‘magalang [maomaong, NW] a bii’? (Rut 3:11) [Mar. 2, w12 10/1 p. 23 par. 1]
No wala ray problema tayo, panon tayon nagunggonaan ed alimbawa nen Ana? (1 Sam. 1:16-18) [Mar. 9, w07 3/15 p. 16 par. 4-5]
Nen say ugaw ya Samuel et ‘ombabaleg ed arap nen Jehova,’ antoy nanprotektad sikato manlapud mauges ya alimbawa na saray anak nen Eli? (1 Sam. 2:21) [Mar. 9, w10 10/1 p. 16 par. 2-3]
Antoy naaralan tayo ed samay agbengatbengat ya inkiwas nen Saul nen agsinuportaan na saray andi-kakanaan a lalaki so inkaari to? (1 Sam. 10:22, 27) [Mar. 23, w05 3/15 p. 23 par. 1]
Anton importantin leksion so naaralan tayo ed aliwan panmoria nen Saul ya say pambagat et nayarin isalat ed katutulok ed si Jehova? (1 Sam. 15:22, 23) [Mar. 30, w07 6/15 p. 26 par. 3-4]
Akin et makapaligliwan naamtaan ya si Jehova et “onnenengneng ed puso”? (1 Sam. 16:7) [Abr. 6, w10-E 3/1 p. 23 par. 7]
Unong ed Uliran 1:4, antoy walad sikatayo ya iilaloan nen Jehova ya usaren tayo diad mairap iran kipapasen? (1 Sam. 21:12, 13) [Abr. 13, w05 3/15 p. 24 par. 4]
Akin et agto labay ya ibagan agmanpapasakop si Abigail ed asawa to nen angiter na saray naakan tan iinumen ed si David tan saray bataan to? (1 Sam. 25:10, 11, 18, 19) [Abr. 20, w09 7/1 p. 20 par. 3]
Kinmerew na dispensa si Abigail ed bengatlan agto met kasalanan. Antoy naaralan tayod alimbawa to? (1 Sam. 25:24) [Abr. 20, w02 11/1 p. 5 par. 1, 4]