Saray Pakabat

◼ Opresin literatura parad Disyembre: Anto so Peteg ya Ibabangat na Biblia? odino anggan dinan ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, Antoy Pangipapasen Mod Biblia?, odino Kasin Labay Mon Naamtaan so Katuaan? Enero tan Pebrero: Iyopresi so brosyur ya Pinalsa Kasi Bilay? Pian nigapoy panangiyaral na Biblia, nayarin usaren so brosyur ya Maong a Balita ya Nanlapud Dios! Marso tan Abril: Saray magasin a Panag-bantayan tan Onliing!

◼ Sakey simba antis na regional a kombension yo nayarin i-adjust so eskedyul na Pantitipon Parad Panagserbi pian narepaso iray bilin tan panonot ed iyatendid kombension.

◼ Say eskedyul na Memoryal ed 2016 et no Mierkoles, Marso 23, 2016.

◼ Onggapod Enero 1, 2015, say uksoyan na kongregasyon ya mangigapo na panangiyaral na Biblia ed unonan Sabado kada bulan et itunda la. Imbes, nayarin iyopresi iray magasin a singa gagawaen ed arum ni ran Sabado. Nayari tayon mangiyopresi na panangiyaral na Biblia ed interon bulan ya usaren iray magasin odino arum nin publikasyon.