Saray Pakabat

◼ Opresin literatura parad Oktubre: Saray magasin a Panag-bantayan tan Onliing! Nobyembre tan Disyembre: Anto so Peteg ya Ibabangat na Biblia? odino sakey ed sarayan tract: Antoy Sekreto Pian Maliket so Pamilya?, Siopan Talagay Mangokontrol ed Mundo?, Antoy Pangipapasen Mod Biblia?, odino Kasin Labay Mon Naamtaan so Katuaan? Enero tan Pebrero: Iyopresi so brosyur ya Pinalsa Kasi Bilay? Pian nigapoy panangiyaral na Biblia, say brosyur ya Maong a Balita ya Nanlapud Dios! so tuloytuloy nin usaren.

◼ Nayarin i-adjust so eskedyul na aral sakey simba antis na regional a kombension yo pian narepaso iray bilin tan panonot manlapud insert na Setyembre 2014 ya isyu na Ministeryo Tayo ed Panarian, pati say sulat parad amin a kongregasyon ya apetsaan na Agosto 3, 2013, nipaakar ed panalwar sano onatendid saray espiritual a pantitipon. Sakey bulan odino duara kayari na kombension yo, nayarin diad lokal iran pankaukolan et repasoen iray punto ed kombension ya akatulong ed saray manangipalapag diad ministeryo.

◼ Ipangasin awiten diad pankombensionan iray keran imbitasyon pian nausar ed pampulong diad impormal a paraan.