No Panon Tayon Bayuboan so Inkaganatan ed Panagpulong

Kaukolan ya bayuboan so inkaganatan, tan importante ya wala itan ed sikatayo pian makaliktar tayod pangangga na sayan sistema na mundo. No unoren tayo iray ontumbok ya panonot, nabayuboan tayoy liknaan ya inkaganatan.

• Regular ya ipikasi so nipaakar ed Panarian.​—Mat. 6:10.

• Protektaan moy pusom panamegley na inagew-agew a pambasam ed Biblia.​—Heb. 3:12.

• Makabat mon usaren so panaon mo.​—Efe. 5:15, 16; Fil. 1:10.

• Pansiansiaen ya ‘akasentro’ so matam. Agmo aabuloyan ya nisuawi ka na saray pilalek na mundo.​—Mat. 6:22, 25; 2 Tim. 4:10.

• Mantultuloy a manbantay diad pansiansian alerto ed kasumpalan na saray propesiya ed Biblia.​—Mar. 13:35-37.

No nalilikna tayoy inkaganatan, napakiwas itayon sigpot a mibiang ed kimey ya agni asumpal!​—Juan 4:34, 35.