Saray Pakabat

◼ Opresin literatura parad Nobyembre tan Disyembre: Anto so Peteg ya Ibabangat na Biblia? odino anggan dinan ed sarayan tracts: Magano lan Manampot so Amin a Kairapan!, Pangayagaan so Bilay na Pamilya, Kasin Sayan Mundo so Niliktar?, odino What Hope for Dead Loved Ones? Enero tan Pebrero: Maong a Balita ya Nanlapud Dios! odino anggan dinan ed sarayan 32-pahina ya brosyur: Peteg Kasin Manatalima so Dios ed Sikatayo?, What Is the Purpose of Life?, odino Nayarian Moy Magmaliw a Kaaro na Dios!

◼ Nayarin i-adjust so eskedyul na aral sakey simba antis na distriton kombension yo pian narepaso iray bilin tan panonot ed iyatendid kombension. Sakey odino duaran bulan kayari na kombension yo, nayarin diad lokal iran pankaukolan et repasoen iray punto ed kombension ya akatulong ed saray manangipalapag diad ministeryo.

◼ Singa nibaga lad insert na Setyembre ya Ministeryo Tayo ed Panarian, ipangasin awiten diad pankombensionan iray keran imbitasyon pian nausar ed pan-informal witnessing odino iter ed saray attendant.