Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Hunyo 24, 2013. Akasulat met iray petsa no anton simba pantongtongan so kada punto pian makapan-research sano manpaparaan parad eskuelaan kada simba.

1. Anto so labay ya ibaga nen Jesus ed samay imbaga ton nabasad Juan 3:14, 15: “No panon ya intagey nen Moises so uleg diad kalawakan, nepeg met ya itagey so Anak na too”? [Mayo 6, it-1-E p. 505]

2. Kapigan naawat na saray patumbok nen Jesus so bilay ed inkasikara, odino makarapat ed inkanaspot na bilay? (Juan 6:53) [Mayo 13, w03 9/15 p. 31 par. 3]

3. Iyilustra no panon ya impakabat nen Jesus so Ama to ed saray agperpekton totoo. (Juan 8:28) [Mayo 20, w11 4/1 p. 7 par. 3]

4. Anto so naaralan tayod inyakis nen Jesus sanen inatey si Lazaro? (Juan 11:35) [Mayo 20, w08-E 5/1 p. 24 par. 3-5]

5. Anton mapuersan leksion so inter nen Jesus diad impanguras tod kasalian na saray babangatan to? (Juan 13:4, 5) [Mayo 27, w99 3/1 p. 31 par. 1

6. Panon a mangigigiyad sikatayo so espiritu na Dios? (Juan 14:26) [Mayo 27, w11 12/15 p. 14-15 par. 9]

7. Diad Juan 21:15, antoy tutukoyen na “saraya,” tan anton leksion so naaralan tayo? [Hunyo 3, w08 4/15 p. 32 par. 11]

8. Unong ed Gawa 2:44-47 tan Gawa 4:34, 35, anton klase na espiritu so nepeg ya niwalad saray Kristiano? [Hunyo 10, w08 5/15 p. 30 par. 5]

9. Si Jesus ta so nampikasian nen Esteban unong a nabasad Gawa 7:59? [Hunyo 17, w08 5/15 p. 31 par. 2]

10. Panon tayon naalig so maabig ya ehemplo nen Bernabe, tan anto ray marakep a resulta ed panggawad satan? (Gawa 9:26, 27) [Hunyo 24, bt-E p. 65 par. 19]