Saray Pakabat

◼ Opresin literatura ed Hulyo tan Agosto: Nayarin iyopresi so anggan dinan ed saray brosyur. Setyembre tan Oktubre: Saray magasin a Panag-bantayan tan Awake!

◼ Lapud say Setyembre et walaan na limaran Sabado tan Simba, maabig so pan-auxiliary payunir ed satan a bulan.

◼ Order Parad Tinaon Iran Publikasyon: Amin ya order parad 2013 Yearbook, Usisaen so Kasulatan ya Inagew-agew​—2013, 2013 Calendar, saray volume na 2012 Watchtower tan Awake! tan 2012 Watchtower Library et nepeg ya i-request na saray manangipalapag tan orderen na Sekretaryo panamegley na Literature Request Form (S-14) ya ag-onlampas ed Agosto 1, 2012. Say bokleta ya Usisaen et na-order ed 8 a lenguahe, balet say Yearbook et na-order labat ed lenguahen Cebuano, English, Hiligaynon, Iloko, tan Tagalog. Say Watchtower Library et na-order ed English tan Tagalog, balet saray volume tan kalendaryo et diad English labat.

◼ Kapot so branch office ed Quezon City no Biernes, Agosto 24, 2012 lapud nagawan panaglinis. Anggapoy tour ed satan ya agew tan kapot met so panag-alaay literatura.

◼ Sarag to lan i-download so Sing to Jehovah​—Vocal Renditions, Disc 5 ed English diad Web site ya jw.org no Agosto 1. I-post itan ya unona ed English. Sarag to met so man-order na saray audio CD ed kongregasyon yo, ya usaren so S-14 form. Saray disc 1-4 et ni-release la.