Saray Pakabat

◼ Opresin literatura ed Mayo: Saray magasin a Panag-bantayan tan Awake! Hunyo: Anto so Peteg ya Ibabangat na Biblia? Hulyo tan Agosto: Anggan dinan a brosyur so nayarin iyopresi.

◼ Walay magenap ya suplay na video ya Faith in Action, Part 2​—On DVD, diad English tan Tagalog. Pasesegen mi iray kongregasyon ya manrequest na suplay na saratan, ya usaren so Literature Request form (S-14) pian naikdan na saray manangipalapag iray iyaaralan day Biblia tan natulongan da ran mas naamtaan so kalaknab na sankamundoan ya organisasyon nen Jehova.

◼ Lapud say libron Mensahe na Dios ed Sikatayo Panamegley nen Jeremias et aralen ed Panagaral na Kongregasyon ed Biblia ya onggapod simba na Nobyembre 5, 2012, maabig no mangipawit na request parad saray manangipalapag tan saray interesado ya anggapo ni kopya ra. Na-order iyan libro ed pitorad saray lenguahe diad Pilipinas.

◼ No naospital ka tan labay mon bisitaen ka na saray elder a kabiangan ed Patient Visitation Group, antoy gawaen mo? Sano ipapakabat moy sarilim bilang sakey ya Tasi nen Jehova, nepeg ya ibagam met ya labay mon walay ombisitad sikan ministro na saray Tasi nen Jehova. Lapud satan ya pangiyaabuloy mo, naamtaan na saray elder ya wala kad ospital tan naikdan da kay espiritual ya panamaseseg.