Saray Pakabat

◼ Opresin literatura ed Nobyembre: Say Biblia​—Anto so Mensahe To? odino anggan dinan a brosyur ya wala ed kongregasyon yo. Disyembre: The Greatest Man Who Ever Lived. No walay anak na katongtong, iyopresi so Manaral Manlapud Sankamaongan a Managbangat odino My Book of Bible Stories. Enero: Anto so Peteg ya Ibabangat na Biblia? Panggunaetan ya igapoy panangiyaral na Biblia diad unonan pitongtong. No wala lay ontan ya libro na unabung odino agto labay so paiyaralan na Biblia, nayarin iyopresi iray daan a magasin odino dinanman ya brosyur a paninteresan to. Pebrero: Iyopresi so sakey ed saray onggendan: Is There a Creator Who Cares About You?, Say Sekreto na Liket ed Pamilya, The Bible​—God’s Word or Man’s?

◼ Saray parte na Pantitipon Parad Panagserbi ed simba antis na distriton kombension et nayarin i-adjust pian nirepaso iray panonot diad iyatendi ed kombension. Kalabas na sakey odino duaran bulan kayari na kombension, nayarin repasoen diad lokal iran pankaukolan iray punto a nadngelan na saray manangipalapag ya makatulong ed ministeryo.

◼ Singa nibaga ed insert na Setyembre ya Ministeryo Tayo ed Panarian, ipangasin awiten iray akeran imbitasyon parad kombension pian nausar mo ed impormal a panagtasi odino iter ed saray attendant. Seguroen a mangikera na sakey a kopya parad sika lapud kaukolan mo itan diad unor a paliwawa no Simba.