Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Abril 25, 2011. Ikondukta na manangasikaso na eskuelaan so 20-minuto a repaso a nibase ed materyal ya akobrian diad saray asainmin parad simba na Marso 7 ya anggad Abril 25, 2011.

1. Diad anton pantalos ya ‘dakel a nanlapu ed saray baley ed dalin et nagmaliw iran Judio’? (Est. 8:17) [w06 3/1 p. 11 par. 3]

2. Akin et naabuloyan si Satanas ya onarap ed si Jehova? (Job 1:6; 2:⁠1) [w06 3/15 p. 13 par. 6; it-2-E p. 16 par. 4]

3. Antoy labay ya papawayen nen Satanas ed samay tepet ton, “Si Job antakot ta ed Dios ya andi-kabaliksan?” (Job 1:⁠9) [w94 11/15 p. 11 par. 6]

4. Panon a say pakaamtan si Jehova et “makabat ed puso, tan makapanyari ed biskeg” so mangiter na kompiyansa ed sikatayo? (Job 9:⁠4) [w07 5/15 p. 25 par. 16; it-2-E p. 1190 par. 3]

5. Diad anton paraan a samay imbalikas nen Elifaz ya say too et “oninum na karelmengan a singa danum” et mangipapatnag na Satanikon kanonotan? (Job 15:16) [w10 2/15 p. 20 par. 1-2]

6. Antoy naaralan tayo ed inkelyaw nen Job a nabasa tayo’d Job 19:2? [w94 10/1 p. 32 par. 1-5]

7. Antoy akatulong ed si Job a napansiansia toy integridad to? (Job 27:⁠5) [w09 4/15 p. 6 par. 17]

8. Panon tayon naalig si Job no walaray mankaukolan? (Job 29:​12, 13) [w02 5/15 p. 22 par. 19; w94 9/15 p. 24 par. 2]

9. Panon a midumaan so simbawa nen Elihu ed taloran kaaro nen Job? (Job 33:​1, 6) [w95 2/15 p. 29 par. 3]

10. Anto so nepeg ya epekto ed sikatayo na pandalepdep ed makapakelaw iran gawa nen Jehova? (Job 37:14) [w06 3/15 p. 16 par. 4]