Saray Pakabat

◼ Opresin literatura parad Disyembre: The Greatest Man Who Ever Lived. No walaray ananak na unabung, iyopresi so libron Manaral Manlapud Sankamaongan a Managbangat. Enero: Anto so Peteg ya Ibabangat na Biblia? No wala lay onian libro na unabung, nayarin iyopresi so anggan dinan ya 192-pahina a libro ya nipalapag antis na 1995. Pebrero: Say Sekreto na Liket ed Pamilya odino The Bible​—God’s Word or Man’s? Marso: Anto so Peteg ya Ibabangat na Biblia?

◼ No anggapo kayo ed kongregasyon yo ed katapusan na Disyembre lapud onatendi kayo ed distriton kombension, seguroen a niiter yo lay report yo ed lawak na serbisyo diad manangasikasoy grupo yo odino diad sekretaryo antis kayon onalis. Odino, no manbiahe kayo’d arawi, nayari yon itawag odino i-text la itan pian nilaktip ed satan a bulan.

◼ Nepeg ya auditen na siopaman a tinuro na coordinator na ulop na mamatatken so kuenta na kongregasyon parad bulan na Setyembre, Oktubre, tan Nobyembre. Nengnengen so Instructions for Congregation Accounting (S-27).

◼ Teksto ed Taon 2011: “Pasalimbengan ed ngaran nen Jehova.”​—Sofonias 3:12, NW. Nepeg ya iyuksoy na amin a kongregasyon so pangipeket ed balon tinaon a teksto ed Kingdom Hall da no Enero 1, 2011.