Saray Pakabat

◼ Opresin literatura ed Agosto: Iyopresi so dinan man a brosyur. Setyembre: Anto so Peteg ya Ibabangat na Biblia? Oktubre: Saray magasin a Say Panag-Bantayan tan Awake! No walay angipanengneng na interes, usaren so tract ya Kasin Labay Mon Naamtaan so Katuaan? pian nigapoy panangiyaral na Biblia. Nobyembre: Say Biblia​—Anto So Mensahe To?

◼ Onggapo ed Setyembre, say tema na publikon paliwawa na saray manangasikasoy sirkito sano ombisita ra’d saray kongregasyon et “Iyarawim so Matam ed Saray Andi-kakanaan.”

◼ Makaawat so kada kongregasyon na duaran kopya na Congregation Analysis Report (S-10). Kaukolan a malinis tan susto so pansulat na sekretaryo na kongregasyon ed sayan form, tan kayari to et repasoen iya na komite parad serbisyo. Isulat ed beneg na sayan form so kangaranan na amin a regular payunir tan say oras da ed interon serbisyon taon. Say orihinal a kopya so nepeg ya ipawit ed sangan opisina antis na Setyembre 6. Isinop yo imay sakey nin kopya parad rekord yo.

◼ Saray order parad Usisaen so Kasulatan ed Inagew-agew​—2011 tan 2011 Calendar so kaukolan lan ipawit ed sangan opisina. Walay naawat yon special order blank parad saraya. Saray order so nepeg lan ipawit ed sangan opisina antis na Agosto 15, 2010.