Saray Pakabat

◼ Opresin literatura parad Disyembre: Say libron The Greatest Man Who Ever Lived. No walaray anak na unabung, iyopresi so libron Manaral Manlapud Sankamaongan a Managbangat. Enero: Anto so Peteg ya Ibabangat na Biblia? No wala la so libro na unabung, nayarin iyopresi so anggan dinan a 192-pahina a libro a nipalapag antis na 1995. Pebrero: Say Sekreto na Liket ed Pamilya odino The Bible​—God’s Word or Man’s? Marso: Anto so Peteg ya Ibabangat na Biblia?

◼ No amta yo lan anggapo kayo ed kongregasyon yo diad katapusan na Disyembre lapud onatendi kayo ed distriton kombension, seguroen a niiter yo lay report yo ed lawak na serbisyo diad manangasikasoy grupo yo odino diad sekretaryo antis kayon onalis. Odino no arawi so laen yo, nayari yon itawag odino i-text la itan, diad ontan et magmamaliw kayon ‘matoor ed daiset.’​—Luc. 16:10.

◼ Nepeg ya auditen na siopaman a tinuro na coordinator na ulop na mamatatken so kuenta na kongregasyon parad bulan na Setyembre, Oktubre, tan Nobyembre.

◼ Teksto ed Taon 2010: Say teksto ed taon 2010 et inaon ed 1 Corinto 13:7, 8: ‘Say aro sungdoan to so amin a bengatla. Say aro agbalot mangangga.’ Nepeg ya iyuksoy na amin a kongregasyon so pangipeket ed balon tinaon a teksto ed Kingdom Hall da no Enero 1, 2010.