No Antoy Ibaga Nipaakar ed Saray Magasin

The Watchtower Nobyembre 1

“Ompatnag a dakel so pakakadesdesan na saray pamilya. Anto kasi resulta no aligen na saray membro na pamilya iyan ugali nen Jesus? [Basaen so Mateo 20:28. Insan abuloyan ya onebat.] Isasalaysay na sayan artikulo so limaran punto no panon a makaaral iray pamilya ed ehemplo nen Jesus.” Ipanengneng so artikulo ya onggapo ed pahina 16.

Awake! Nobyembre

“Diad padesir yo, kasin say relihyon so sengegan na aro tan kareenan odino na pambubusolan tan karawalan? [Abuloyan ya onebat.] Mapatnag a dakel so agmangiyaaplika ed sarayan balikas nen Jesus. [Basaen so Mateo 5:44, 45.] Ebatan na sayan artikulo so tepet a, Posible kasin aroen so kabusol?” Ipanengneng so artikulo ya onggapo ed pahina 10.

The Watchtower Disyembre 1

“Naisip yo la kasi ya onsabi so panaon a panganggaen la na Dios so kairapan ed mundo? [Abuloyan ya onebat.] Imanoen iyan sipan a walad Biblia a mangiter ed sikatayo na ilalo. [Basaen so sakey ed saray teksto a walad kahon diad pahina 7.] Isalaysay na sayan magasin so ibabaga na Biblia nipaakar ed no kapigan tan panon a panganggaen na Dios so amin a kairapan.”

Awake! Disyembre

“Papanisiaan na arum a say uniberso et pinalsa, balet kuan na arum ya aksidente labat iyan linmesa tan andian na gagala. Sikayo ey, antoy nibaga yo? [Abuloyan ya onebat.] Onia so ibabaga na Biblia. [Basaen so Hebreos 3:4.] Ipapaliwawa na sayan magasin so peteg a nanlapuan tan gagala na uniberso.”