Saray Pakabat

◼ Opresin literatura ed Nobyembre: Anto so Peteg ya Ibabangat na Biblia? No wala lay kopya na unabung, nayarin iyopresi na manangipalapag so anggan dinan a libro a nipalapag sakbay na 1995 a walaan na 192 a pahina. Disyembre: The Greatest Man Who Ever Lived. No walaray ugugaw ed abung, iyopresi so libron Manaral Manlapud Sankamaongan a Managbangat. Enero: Anto so Peteg ya Ibabangat na Biblia? No wala lay kopya na unabung, nayarin iyopresi so anggan dinan a libro a nipalapag sakbay na 1995 a walaan na 192 a pahina. Pebrero: Say Sekreto na Liket ed Pamilya odino The Bible​—God’s Word or Man’s?

◼ Kaukolan ya ibunog a tampol ed saray agagi iray isyu na Say Panag-Bantayan tan Awake! sano sinmabi la iraya ed kongregasyon. Ontulong iya pian naaral da itan a tampol tan magmaliw iran pamilyar ed karga na saraya sakbay dan iyopresi ed lawak na kimeyan.

◼ Saramay malabay a mandonasyon parad sankamundoan a kimey panamegley na tseke, dia man ed sangan opisina odino diad distriton kombension et kaukolan ya ingaran da itan ed “Watch Tower.”

◼ Amin a manangipalapag ya andian ni na durable power of attorney (DPA) kard et papasesegen a mangala la. Sayan DPA kard et manalimbeng ed kanepegan yon ipulisay so pampasaksak na dala. No nakaukolan, ibangat kayo na saray elder no panon iyan sulatan.​—Nengnengen so Enero 2007 ya insert na Ministeryo Tayo ed Panarian.