Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Oktubre 26, 2009.

1. Akin et sinmanok si Jehova ed si Balaam sanen sikatoy akila ed saray lalakin imbaki nen Balac, anta si Jehova a mismo so angiganggan a mila’d sikara? (Num. 22:20-22) [w04 8/1 p. 27 par. 2]

2. Panon a say ag-impangiyabuloy nen Pinehas ed “pilalaslasan” ed si Jehova et ontulong ed sikatayon nonoten so kabaliksan na dedikasyon tayo ed Dios? (Num. 25:11, NW) [w95 3/1 p. 16 par. 13]

3. Akin a say apilin kasalat nen Moises et si Josue? (Num. 27:15-19) [w02 12/1 p. 12 par. 1]

4. Panon a nayarin napaseseg na Numeros 31:27 iray Kristiano natan? [w05 3/15 p. 24]

5. Panon a nagmaliw a makagunggona iray syudad na salimbengan parad saray totoo na Israel nensaman? (Num. 35:11, 12) [w95 11/15 p. 14 par. 17]

6. Akin a say pagmaliw a makabat et importantin Kristianon kalidad, tan antoy resulta na pangipatnag ed satan? (Deu. 1:13) [w03-E 1/15 30; w00 10/1 p. 32 par. 1-3]

7. Diad antoran paraan impatnag na Mosaikon Ganggan so inkatunong na Dios? (Deu. 4:8) [w02 6/1 p. 14 par. 8–p. 15 par. 9-10]

8. Ipaliwawa no panon so duga tan aliwan paraan na pananubok ed si Jehova, a mitunosan ed ibabaga na Deuteronomio 6:16-18. [w04 9/15 p. 27 par. 1]

9. Panon a pinenek na salita nen Jehova iray pankaukolan na saray Israelita nensaman, tan panon tayo met a natatagano na salita to natan? (Deu. 8:3) [w99 8/15 p. 25-26]

10. Panon a say Deuteronomio 12:16, 24 et mangimpluensya ed panmoria tayo nipaakar ed panagpatambal ya uusaran na dilin dala? [w00 10/15 p. 30 par. 7]