Saray Pakabat

◼ Opresin literatura ed Oktubre: Saray magasin a Panag-Bantayan tan Awake! Nobyembre: Anto so Peteg ya Ibabangat na Biblia? Disyembre: The Greatest Man Who Ever Lived. Balet no walaray ugugaw ed abung iyopresi so libron Manaral Manlapud Sankamaongan a Managbangat. Enero: Anto so Peteg ya Ibabangat na Biblia?

◼ Saray order parad 2010 Yearbook so nayari la natan ya ipawit ed sangan opisina. Say Yearbook Order Blank so ipawit parad sayan gagala. Isulat na saray coordinator na literatura tan lingkor so bilang a nakaukolan da insan da ipawit ed sangan opisina so orihinal a kopya ya ag-onlampas ed Nobyembre 15, 2009.

◼ No nakaukolan et nayarin iyarunsa iray parte ed Pantitipon Parad Panagserbi pian niparaan so iyatendi ed “Mantultuloy a Manbantay!” a Distriton Kombension. Diad unor a Pantitipon Parad Panagserbi antis na kombension, repasoen iray simbawa tan panonot ya onaplika ed kongregasyon yo. Kalabas na sakey odino duaran bulan kayari na kombension, repasoen iray manunan punto a nadngelan ed kombension diad lokal iran pankaukolan.

◼ Say Eskedyul ed Teokratikon Eskuelaan Parad Ministeryo et agla ilaktip ed Ministeryo Tayo ed Panarian. Imbes, makaawat so balang kongregasyon na tinaon ya eskedyul tan say sakey a kopya na satan so ipaskil ed information board na Kingdom Hall. Usaren na manangasikaso na eskuelaan so sananey nin kopya diad pangiter to na saray asainmin.

◼ Onggapo no simba na Marso 1, 2010, say libron “Gala Magmaliw Kan Patumbok Ko” so usaren parad Panagaral na Kongregasyon ed Biblia.