Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 31, 2009. Ikondukta na manangasikaso na eskuelaan so 20-minuto a repaso a nibase ed materyal ya akobrian diad saray asainmin parad simba na Hulyo 6 ya anggad Agosto 31, 2009.

1. Akin a say dusa na siopaman a “mangayew” ed atateng to et ipapatey? (Lev. 20:9) [w04 5/15 p. 24 par. 6]

2. Lapud amin a lalakin Israelita et kakaukolanen ya onla’d Piesta na Andi-lebaduran Tinapay, siopa sirin so nanani na saray unonan bunga na sebada ya inyapay? (Lev. 23:5, 11) [w07 7/15 p. 26 par. 3]

3. Anto so iyaanino na taon na Jubileo? (Lev. 25:10, 11) [w04 7/15 p. 26-27]

4. Kasin samay ‘pakabidbiran’ ya asalambit ed Numeros 2:2 et walay pisiglaotan to ed panagdayew na saray Israelita? [w02-E 9/15 p. 21 par. 4]

5. Anton awawey na saray sigpot-panaon a manangiyabawag na Panarian so mipara ed impatnag na saray Nazareo diad Israel nensaman? (Num. 6:3, 5, 6) [w04 8/1 p. 24-25]

6. Anton prinsipyo a walad ganggan nipaakar ed panagretiro na saray Levita so onaplika met ed saray totoo nen Jehova natan? (Num. 8:25, 26) [w04 8/1 p. 25 par. 1]

7. Panon ya impatnag na saray Israelita so “kaalakan na laman da,” tan antoy naaralan na saray Kristiano ed satan? (Num. 11:4) [w01 6/15 p. 14-15; w95 3/1 p. 15 par. 10]

8. Akin a si Miriam labat so akating, tan anton importantin leksion so naaralan tayo ed saya? (Num. 12:9-11) [w04 8/1 p. 26 par. 2; it-2-E p. 415 par. 1]

9. Antoy labay ya ibaga di Josue tan Caleb sanen tinukoy da iray taga Canaan a “tinapay”? (Num. 14:9) [w06 10/1 p. 16 par. 5; it-1-E p. 363-364]

10. Anto so naaralan tayo ed Numeros 21:5? [w99 8/15 p. 26-27]