Saray Pakabat

◼ Opresin literatura ed Agosto: Nayarin iyopresi so dinan man a brosyur a walad simpenan yo; balet, maabig so pangiyopresi na brosyur a Kakaukolanen, lapud nausar iya diad pangigapo na panagaral na Biblia. Setyembre: Anto so Peteg ya Ibabangat na Biblia? Oktubre: Saray magasin a Say Panag-Bantayan tan Awake! No walay angipanengneng na interes, usaren so tract a Labay Moy Makaaral Nin Maong Diad Biblia? pian nigapo so panagaral. Nobyembre: Anto so Peteg ya Ibabangat na Biblia?

◼ Kada kongregasyon et makaawat na duaran kopya na Congregation Analysis Report (S-10), a kaiba na monthly statement. Kaukolan a malinis tan natalosan so pansulat na sekretaryo na kongregasyon ed sayan form, kayari to et nepeg iyan nengnengen na komite parad serbisyo. Isulat met ed beneg na sayan form so kangaranan na regular payunir tan say oras da ed interon serbisyon taon. Say orihinal a kopya et ipawit ed sangan opisina sakbay na Setyembre 6, 2009. Isimpen yo so sakey a kopya.

◼ Ipawit yo la ed sangan opisina iray order yon Usisaen so Kasulatan ya Inagew-Agew, tan Kalendaryo a parad 2010. Mangipawit kami na special order blank parad saraya a kaiba na monthly statement yo. Saraya et ipawit ed sangan opisina sakbay na Agosto 15, 2009.

◼ Onggapo ed Setyembre, saray manangasikaso na sirkito so mangipaliwawa ed teman: “Say Kioli​—No Akin a Sayan Ilalo et Peteg ed Sika.”