No Antoy Ibaga Nipaakar ed Saray Magasin

Say Panag-bantayan Enero-Marso

“Diad padesir yo, anggapo kasi pibabali na Dios anggan nadederal la iyay dalin? [Abuloyan ya onebat. Insan basaen so Apocalipsis 11:18.] Nabasa yo ed sayan artikulo no antoray rason ya ibabaga na Biblia pian magmaliw itayon positibo ed no antoy nagawa ed dalin diad arapen.” Ipanengneng so artikulo ed pahina 18.

Awake! Enero

“Dakel so totoon maniisip a dudusaen ira na Dios sano onsasabi’d sikara iray problema. Alikna yo met la kasi itan? [Abuloyan ya onebat. Insan basaen so Santiago 1:13.] Ipapaliwawa na sayan artikulo so peteg a lapuan na saray problema tayo tan no akin a makapanilalo tayon magano lan naandi iray paniirap tayo.” Ipanengneng so artikulo ya onggapo’d pahina 28.

The Watchtower Pebrero 1

“Antoy padesir yo, aabobonan kasi na Dios so amin a relihyon? [Abuloyan ya onebat.] Imanoen pa iyan imbalikas nen Jesus. [Basaen so Mateo 15:8, 9.] Nabasa yo ed sayan artikulo no kasin aabobonan na Dios so amin a klase na relihyon.” Ipanengneng so artikulo ed pahina 9.

Awake! Pebrero

“No imanoen tayon maong, say dalin et talagan adesinyo pian manustuni bilay. Antoy padesir yo, nibanbana labat kasi so inkiwala na saya, odino panisiaan yon sakey iyan paneknek a walay Manamalsan anesinyo? [Abuloyan ya onebat.] Dakel so toon onaabobon ed sayan bersikulo ed Biblia. [Basaen so Salmo 104:24.] Nabasa yo ed sayan magasin iray maka-sientipiko tan Makasulatan iran ebidensya a walay Manamalsa.”