Saray Pakabat

◼ Opresin literatura ed Enero: Iyopresi iray daan a libro a walad simpenan yo, a singa say libron Pikakabat, Manbilay na Ando lan Ando, odino Nankakasakey ed Panagdayew. Pebrero: Iyopresi so anggan dinan ed saraya, no wala, Is There a Creator Who Cares About You?, Say Sekreto na Liket ed Pamilya, odino The Bible​—God’s Word or Man’s? Marso: Anto so Peteg ya Ibabangat na Biblia? Abril tan Mayo: Saray magasin a Say Panag-Bantayan tan Awake!

◼ Nepeg a manggawa la iray kongregasyon na saray uksoyan parad panselebra na Memoryal ed sayan taon no Huebes, Abril 9, 2009, kaselek na agew. Anggaman maabig no bilang sinansakey et naselebraan na kada kongregasyon so Memoryal, nayarin ag-iya lawas posible. No pigaran kongregasyon so manguusar ed Kingdom Hall, sarag na sakey odino pigaran kongregasyon so mangusar na arum a pasilidad diad satan a labi.

◼ Say espisyal a paliwawa ed sayan taon et nipresenta legan na simba na Abril 20, 2009. Kabaliksan to sirin a gawaen itan na kaslakan a kongregasyon no Abril 26, 2009. Say tema na paliwawa et “Wala Kasi Tuan Relihyon Diad Panmoria na Dios?” Saray kongregasyon a bisitaen na manangasikaso na sirkito odino man-asemblea ed satan a sampot simba so nawalaan na espisyal a paliwawa diad ontumbok a simba. Anggapoy nepeg a nagawan espisyal a paliwawa antis na Abril 20.

◼ Manlapud Marso 2009, say balon paliwawa parad publiko na saray manangasikaso na sirkito et “Ipulisay so Agrealistikon Opresi na Mundo, Gegemtanen so Peteg ya Ilalo na Panarian.”