Saray Pakabat

◼ Opresin literatura ed Nobyembre 1-16: Espisyal a kampanya ed pangibunog ed tract a Kasin Labay Mon Naamtaan so Katuaan? Nobyembre 17-30: Anto so Peteg ya Ibabangat na Biblia? Disyembre: Iyopresi so libron The Greatest Man Who Ever Lived. No ibaga na saray nakatongtong a walay ananak da, iyopresi so Manaral Manlapud Sankamaongan a Managbangat. Enero: Iyopresi so daan iran libro a walad simpenan yo, a singa say Pikakabat, Manbilay na Ando lan Ando, odino Nankakasakey ed Panagdayew. Dinanman a libron nipalapag antis na 1991 so nayarin iyopresi. No anggapoy daan iran libro a walad simpenan yo, iyopresi so libron Ibabangat na Biblia. Pebrero: Iyopresi so sakey ed saray onggendan, no wala, Is There a Creator Who Cares About You?, Say Sekreto na Liket ed Pamilya, odino The Bible​—God’s Word or Man’s?

◼ Paimano ed mangidadaulon manangasikaso tan ed manangasikaso ed Teokratikon Eskuelaan Parad Ministeryo: Manlapu la’d simba na Disyembre 29, 2008, onggapo la so balon eskedyul parad pantitipon na kongregasyon, tan sayan pananguman ed eskedyul et ipaimano lamet diad Disyembre 2008 a Ministeryo Tayo ed Panarian. Sano ikokondukta so Repaso ed Teokratikon Eskuelaan Parad Ministeryo diad satan a simba, seguroen a tumboken iray instruksion nipaakar ed satan a walad Eskedyul ed Teokratikon Eskuelaan Parad Ministeryo ed 2009. Diad satan et anggapo la so partin kalidad na panagsalita.

◼ Saray aka-tseke a donasyon parad sankamundoan a kimey diad saray distriton kombension tan saramay direktan ipawit ed sangan opisina so nepeg ya ingaran ed “Watch Tower Society.”

◼ Singbaten so video a No Blood​—Medicine Meets the Challenge diad Pantitipon Parad Panagserbi no Enero. No kaukolan yoy kopya, nepeg a tampol a man-order panamegley na kongregasyon.

◼ Manlapud Enero 1, 2009, say terminon “mangidadaulon manangasikaso” et agla usaren. Sayan betang et tawagen lan “coordinator na ulop na mamatatken.”