Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Oktubre 27, 2008. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Setyembre 1 ya anggad Oktubre 27, 2008.

KALIDAD NA PANAGSALITA

1. Panon tayon naamtaan so rason no akin a papanisiaan na arum a totoo so sakey a bengatla? [Set. 1, be p. 259 par. 1, 2]

2. Panon tayon natulongan so sakey a too pian naekal ed puso to so panaglabi tan panaggula? [Set. 15, be p. 260 par. 2]

3. Panon tayon natulongan iray iyaaralan tayo ya usisaen so kapusoan da pian mantultuloy iran onaligwas ed espiritual? [Set. 29, be p. 261 par. 2]

4. Anto so nepeg tayon tandaan diad panggugunaet tayon sabiey puso na dumerengel tayo? [Okt. 13, be p. 262 par. 4]

5. Akin et kaukolan tayon imanoen so nigeter ya oras parad saray pantitipon tayo’d kongregasyon? [Okt. 20, be p. 263 par. 1, 3, kahon]

ASAINMIN NO. 1

6. Akin ya insulat nen Pablo so inmunan sulat to parad saray taga Corinto? [Set. 1, bsi08-1-PN p. 20 par. 3]

7. Antoray pigaran rason no akin ya insulat nen Pablo so komaduan sulat to parad saray taga Corinto? [Set. 15, bsi-08-1-PN p. 22 par. 1-2]

8. Panoy nepeg a panmoria na saray Kristiano ed say ministeryo? [Set. 22, bsi-08-1-PN p. 22-23 par. 18]

9. Singa saray agagi ed Filipos, panon tayo natan a nagamoran so panangabobon na Dios tan magmaliw a gayaga ed saray agagi tayo? [Okt. 13, bsi-08-1-PN p. 29 par. 12]

10. Diad kongregasyon na Tesalonica, anton positibon epekto so inter di Pablo tan saray kakaiba to? [Okt. 20, bsi-08-2-PN p. 4 par. 13]

SINIMBAN PANAGBASA NA BIBLIA

11. Anto so kabaliksan na ‘pangiyawat [ed sakey a mauges a too] ed si Satanas a kaderalan na laman, pian say espiritu nilaban’? (1 Cor. 5:5) [Set. 1, w08 7/15 “Say Salita nen Jehova et Mabilay​—Saray Pabitar ed Saray Libro a Corinto”]

12. Nipaakar ed panagselebra’d impatey nen Jesus, walay sinalambit nen Pablo a “kapagno,” panon kabetbet itan a “kapagno,” tan “angga ed” kapigan itan? (1 Cor. 11:26) [Set. 8, w08 7/15 “Say Salita nen Jehova et Mabilay​—Saray Pabitar ed Saray Libro a Corinto”]

13. Anton pasingawey so abitla ed 2 Corinto 12:2-4, tan siopa so nayarin angiteran ed saya? [Set. 22, w04 10/15 p. 8 par. 4; p. 10 par. 9]

14. Akin a samay Ganggan ya inter ed si Moises et inyaliling nen Pablo ed ‘managbangat a mangitarok ed si Kristo’? (Gal. 3:24) [Set. 29, w08-E 3/1 p. 18-21]

15. Anto so labay ya ibaga nen Pablo sanen impikasi ton “sigpot komon a naalila [odino nipreserba]” so “espiritu tan kamarerwa tan laman yo [agagi]”? (1 Tes. 5:23) [Okt. 20, w08 9/15 “Say Salita nen Jehova et Mabilay​—Saray Pabitar na Saray Libron Tesalonica tan Timoteo”]