Saray Pakabat

◼ Opresin literatura ed Hulyo tan Agosto: Nayarin iyopresi so dinanman a brosyur; balet, maabig no naynay a walay awit yon brosyur a Kakaukolanen ta pian walay pankanawnawa yon mangigapo na saray panangiyaral na Biblia. Setyembre: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia diad primeron idalaw. Sano wala lay onian libro na unabung, ipanengneng no panon iran nagunggonaan ed satan diad antikey a pangidemostra ed panagaral na Biblia. Oktubre: Saray magasin a Say Panag-Bantayan tan Awake! No walay aromog ya interesado, ipresenta tan singbaten so tract a Labay Moy Makaaral nin Maong Diad Biblia?

◼ Lapud say Agosto et walaan na limaran Sabado tan Simba, maabig itan a bulan parad pan-auxiliary payunir.

◼ Onggapo ed Setyembre, saray manangasikaso na sirkito so mangipaliwawa ed teman “Manakar ed Dalan na Katooran.”

◼ Say sangan opisina so agmangipapatulor na order a literatura na indibidual a manangipalapag. Say mangidadaulon manangasikaso so nepeg a mangiyuksoy na pangipakabat kada bulan antis ya ipawit na kongregasyon so binulan ya order parad literatura ed sangan opisina ta pian amin ya interesadon makala na personal iran literatura ra so mangipaamta ed agin mangaasikaso ed literatura. Ipangasin tandaan no dinan iran publikasyon so special-request items.

◼ Kaukolan a gawaen so tinaon a panag-imbentaryo ed amin a literatura tan magasin a walad simpenan no Agosto 31, 2008 odino antis na satan no posible. Sayan panag-imbentaryo so mipara ed aktual a panagbilang a binulan a gagawaen na literature coordinator, tan nepeg ya isulat ed Literature Inventory (S-18) form so kompleton bilang. Kaukolan ya alaen ed (saray) mangaasikaso na magasin so kompleton bilang na saray magasin a walad estante. Satan a panag-imbentaryo so nepeg ya asikasoen na sekretaryo na coordinating congregation. Sikato tan say mangidadaulon manangasikaso na kongregasyon a manproproseso so manpirma ed form. Say kada kongregasyon a manproproseso so makaawat na taloran form a Literature Inventory. Ipangasin ipawit ed sangan opisina so orihinal a kopya ya ag-onlampas ed Setyembre 6. Mangitilak kayo na kopya ya isimpen yo. Say komatlon kopya so nayarin usaren a panlistaan.

◼ No Sabado, Agosto 30, 2008, wala so nagawan panaglinis diad Bethel ed Quezon City, kanian kapot ed satan a kabuasan so Bethel tan anggapo so tour ed satan ya agew. Kapot met so panag-alaan na literatura ed satan ya agew.