Saray Pakabat

◼ Opresin literatura ed Hunyo: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia. Hulyo tan Agosto: Nayarin iyopresi so dinanman a brosyur; balet, maabig no naynay a walay awit yon brosyur a Kakaukolanen ta pian walay pankanawnawa yon mangigapo na saray panangiyaral na Biblia. Setyembre: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia diad primeron idalaw. Sano wala lay onian libro na saray unabung, ipanengneng no panon iran nagunggonaan ed satan diad antikey a pangidemostra ed panagaral na Biblia.

◼ Say mangidadaulon manangasikaso odino siopaman a pabtangan to so nepeg a man-audit ed saray kuenta na kongregasyon parad bulan na Marso, Abril, tan Mayo. Nepeg ya aliwan apasakey so man-audit. Sano agawaan la, nepeg ya iyanunsio iya ed kongregasyon kayarin nibasa so ontumbok a report na saray kuenta tan sulat parad naawat a donasyon.​—Nengnengen so Instructions for Congregation Accounting (S-27).

◼ Lapud walaan na limaran Sabado tan Simba so Agosto, nayarin maabig iyan bulan parad arum pian makapan-auxiliary payunir.

◼ Irerekomenda a saray aplikasyon parad pan-regular payunir so nepeg ya ipawit ed sangan opisina ya ag-onkulang ed 30 ya agew antis na petsan igapo. Nepeg a repasoen na sekretaryo na kongregasyon so amin a porma pian naseguro a kompleton naebatan iratan. No agnanonotan na saray aplikante so eksakton petsa na inkabautismoan da, nepeg a padesiran da itan insan da irekord. Nepeg ya isulat na sekretaryo itan a petsa diad Congregation’s Publisher Record (S-21) a kard.