Saray Pakabat
◼ Opresin literatura ed Enero: Nayarin iyopresi so anggan dinan a 192-pahinan libro ya impalapag antis na 1991. Saray kongregasyon ya andian lay suplay na onian libro so nayarin mangiyopresi na libron Pikakabat (no wala) odino say brosyur a Mantultuloy a Manbantay! Pebrero: Nayarin iyopresi so libron Life—How Did It Get Here? By Evolution or by Creation? odino Liket ed Pamilya. Marso: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia. Abril tan Mayo: Publikon edisyon na Say Panag-Bantayan katekep na Awake! Sano pawilen iray interesado, nonoten lawas so pangigapo na panangiyaral na Biblia ya usaren so libron Ibabangat na Biblia.
◼ Lapud say Marso et walaan na limaran Sabado tan Simba, maabig so pan-auxiliary payunir ed satan a bulan
◼ Lapud say Abril tan Mayo et espisyal iran bulan parad pangibunog na magasin tan dakel so man-auxiliary payunir ed saratan a bulan, nepeg ya ikonsidera na manangasikaso na serbisyo tan manangasikaso na magasin so pan-order na kaaruman iran magasin parad kampanya. Ipangasin ipawit so espisyal ya order yo anggad Pebrero 15, 2008. Ta pian naseguro a makaawat kayo na kaaruman iran magasin a kabansag na regular a binulan ya order yo. Sano man-order, usaren so balon M-202 Magazine Request Form a walay petsa ton 6/07 ed silong na paulon “Specific Magazine Issues.”
◼ Saray kongregasyon so nepeg lan manggawa na saray uksoyan parad selebrasyon na Memoryal ed sayan taon no Sabado, Marso 22, 2008, kaselek na agew. Anggaman nayarin igapo a masakbay so paliwawa, saray emblema ed Memoryal so nepeg ya ipasa no sinmelek lay agew. Anggaman maabig parad kada kongregasyon so panselebra na Memoryal ya anggapo lay katumbokan da, nayarin aliwan onian naynay so kipapasen. No pigaran kongregasyon so manguusar ed saksakey a Kingdom Hall, nayarin mangusar la na arum a pasilidad so sakey odino pigaran kongregasyon diad satan a labi. No posible a mantumbokan so pigaran kongregasyon, isuheri mi a say pambaetan na saray programa et ag-onkulang ed 40 minuto ta pian sigpot a nagunggonaan so amin ya onatendi ed sayan okasyon.
◼ Say espisyal a paliwawa parad publiko ed 2008 et onggapo ed simba na Marso 31, 2008, kanian maslak a kongregasyon et gawaen da itan no Abril 6, 2008. Say tema na paliwawa et “Siopay Kualipikadon Manuley ed Katooan?” Saray kongregasyon a bisitaen na manangasikaso na sirkito odino man-asemblea ed satan a sampot-simba so mangiyuksoy ed satan ya espisyal a paliwawa ed ontumbok a simba. Agnepeg ya iyuksoy na kongregasyon so espisyal a paliwawa antis na Marso 31.
◼ Onggapo no Marso 2008, say tema na balon paliwawa na saray manangasikaso na sirkito parad publiko sano ombibisita ed saray kongregasyon et “Iner so Pakalaan Yo na Tulong ed Panaon na Gonigon.”
◼ Onggapo ed simba na Agosto 4, 2008, say usaren na saray kongregasyon a Cebuano, Iloko, tan Tagalog ed Panagaral na Kongregasyon ed Libro et say Live With Jehovah’s Day in Mind. Bangta say usaren na saray kongregasyon a Bicol, Hiligaynon, Pangasinan, tan Samar-Leyte et Say Sekreto na Liket ed Pamilya ya onggapo ed parehon petsa.