Saray Pakabat

◼ Opresin literatura ed Disyembre: Anggan dinan ed onggendan iran libro so nayarin iyopresi: The Greatest Man Who Ever Lived, Onapit ed si Jehova, odino Say Sekreto na Liket ed Pamilya. Enero: Nayarin iyopresi so anggan dinan a 192-pahinan libro ya impalapag antis na 1991. Saray kongregasyon ya andian lay suplay na onian libro so nayarin mangiyopresi na libron Pikakabat (no wala) odino say brosyur a Mantultuloy a Manbantay! Pebrero: Nayarin iyopresi so libron Life​—How Did It Get Here? By Evolution or by Creation? odino Liket ed Pamilya. Marso: Anto so Peteg ya Ibabangat na Biblia? Panggunaetan so pangigapo na saray panangiyaral na Biblia.

◼ No anggapo kayo ed kongregasyon ed pansampot na Disyembre lapud iyatendi ed distriton kombension, seguroen a niiter yo iray report yo ed lawak na serbisyo ed Manangasikaso na Panagaral na Kongregasyon ed Libro antis kayon onalis. Odino, no arawi so kawalaan yo, sarag yon itawag odino i-text so report yo ed sikato odino ed sekretaryo na kongregasyon, diad ontan et magmaliw kayon ‘matunong [odino matoor] ed dagdaiset.’​—Luc. 16:10.

◼ Say pinabtangan na mangidadaulon manangasikaso so nepeg a man-audit ed kuenta na kongregasyon ed bulan na Setyembre, Oktubre, tan Nobyembre. Sano agawaan la, iyanunsio itan ed kongregasyon kayarin nibasa so ontumbok a report na kuenta.​—Nengnengen so Instructions for Congregation Accounting (S-27).

◼ Teksto parad taon 2008: Say teksto parad taon 2008 et inala ed Exodo 14:13: ‘Mandeen Kayo et Nengneng Yo so Panangiliktar nen Jehova.’ Amin a kongregasyon so nepeg a mangipeket la ed balon teksto parad taon diad Kingdom Hall da onggapo ed Enero 1, 2008.

◼ Balon DVD a wala la: The Bible​—A Book of Fact and Prophecy​—Ingles (Taloran video ed sakey a DVD)