Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Agosto 27, 2007. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Hulyo 2 ya anggad Agosto 27, 2007.
KALIDAD NA PANAGSALITA
1. Panon tayon nipanengneng so respeto ed arum diad ministeryo tayo tan ed loob na kongregasyon? [be p. 192 par. 2-4]
2. Anto so importante ta pian nipatnag tayo so kombiksyon sano ibabalikas tayoy inkasikatayo? [be p. 196 par. 1-3]
3. Antoray pigaran suhestion ya ontulong ed sikatayon magmaliw a mataktika sano manpupulong ed arum? [be p. 198 par. 1-5]
4. Panon a lalanoren na inkamataktika so panetermina ed dugan panaon a pangibaga ed saray bengatla? (Uli. 25:11) [be p. 199 par. 1-3]
5. Panon tayon napansiansian makapaseseg so paraan na panangibalikas tayo ed saray paliwawa tayo? [be p. 203 par. 3–p. 204 par. 1]
ASAINMIN NO. 1
6. Anto so nibaga nipaakar ed si Ezequiel bilang sakey a managsulat, ontan met ed inkapeteg na inkipuyan tan inkanapanmatalkan na libro na Ezequiel? [bsi-07 p. 6 par. 3]
7. Anto so sakey a kalidad ya importante pian nasungdoan na sakey a too so ag-inkahustisya? [w05 6/1 p. 29 par. 4]
8. Anto so naaralan tayo ed impangebat nen Jesus ed saray Saduceo a nantepet ed sikato nipaakar ed kioli? (Luc. 20:37, 38) [be p. 66 par. 4]
9. Sano tepeten na sakey ya iyaaralan na Biblia odino kapananisiaan no anto so nepeg ton gawaen ed sakey ya espesipikon situasyon, panon so nepeg mon iyebat? [be p. 69 par. 4-5]
10. Anto so lalanoren na pagmaliw ya ‘apasimbalo ed espiritu na kalakal’? (Efe. 4:23) [be p. 74 par. 4]
SINIMBAN BABASAEN ED BIBLIA
11. Diad Ezequiel 9:2-4, siopa so irerepresenta na lakin akakawes na lienzo, tan anto so kabaliksan na samay ‘tanda na muling’? [w88-E 9/15 p. 14 par. 18]
12. Panon a saray lider na relihyon ed Kakristianoan et singara saramay “manpropropeta a maatiw a tumboken da so dili ya espiritu ra,” ya adeskribe ed Ezequiel 13:3? [w99 10/1 p. 13]
13. Diad impangibalikas ed “uliran” a nirekord ed Ezequiel 18:2, antoy sinalin papawayen na saray Israelita, tan anto so nipabitar ya importantin leksion nipaakar ed pakawalaan na eebatan? [w88-E 9/15 p. 18 par. 10]
14. Diad anton pantalos a nagmaliw ya “emel” si Ezequiel legan na panaon na inkakubkob tan inkaderal na Jerusalem? (Eze. 24:27; 33:22) [w03 12/1 p. 29]
15. Siopa so “Gog ed dalin na Magog,” tan kapigan to deralen iray totoo nen Jehova? (Eze. 38:2, 16) [w97 3/1 p. 14 par. 1-p. 15 par. 3]