Saray Pakabat

◼ Opresin literatura parad Mayo: Iyopresi so Say Panag-Bantayan tan Awake! Sano papawilen iray interesado, pawilen met iramay inmatendi ed Memoryal ya aliwa nin aktibon mililimog ed kongregasyon, panggunaetan ya opresian ira na libron Ibabangat na Biblia, diad kalat a naiyaralan ira na Biblia. Hunyo: Iyopresi so libron Liket ed Pamilya. Hulyo tan Agosto: Dinanman ed saray brosyur so nayarin iyopresi.

◼ Diad ontumbok a pigaran bulan et ipawitan mi kayo na saray porma a kaukolan na kongregasyon legan na ontumbok a serbisyon taon. No wala niray arum a porma a nakaukolan yo, nayarin orderen iraya a singa dati, ya usaren so Literature Request Form (S-14). Saray porma so ipawit ya anggapoy bayar, balet seguradon labay na saray kongregasyon so mangiter na magenap a kontribusyon parad sankamundoan a kimey a makatulong ed gastos ed impangimprinta tan impangipawit. Ipangasin imanoen a saray badge card parad 2007 a Distrito iran Kombension so ilaktip ed ipawit iran porma, kanian agla kaukolan ya orderen ni iraya likud no naimano yon kulang so impawit mi ed sikayo. Balet, kaukolan yon orderen so plastik na badge diad pangusar ed Literature Request Form (S-14).

◼ Saray ulop na mamatatken so nepeg a manrepaso ed sulat a Hulyo 6, 2006, nipaakar ed pagmaliw ya akaparaan ed desyang tan seguroen da no anto so peles ya address tan pakatuplegan ed kada manangipalapag. Makatulong no pakabatan na saray manangipalapag so manangasikaso da ed Panagaral na Kongregasyon ed Libro odino arum nin matatken no bilang ta makaarawi ira a mabayag, a singa say pambiahe pian manbakasyon odino lapud trabaho, sano naospital, tan arum nira.

◼ Say materyal parad saray instruksion a paliwawa a nibase ed “All Scripture Is Inspired of God and Beneficial” a kobrian ed sayan taon ed Teokratikon Eskuelaan Parad Ministeryo so inimprinta bilang brosyur parad pakagunggonaan na amin a kongregasyon a mansasalitay Bicol, Hiligaynon, Pangasinan, tan Samar-Leyte. Say brosyur so apauloan na “Amin a Sulat” et Napanmatalkan tan Makagunggona, tan say pinatikey a simbolo na satan et bsi. Magenap so impawit ed saraya pian kada manangipalapag et nawalaan na kopyan usaren.

◼ Balon DVD a Naala:

Organized to Share the Good News tan Whole Association of Brothers​—a walad DVD​—Ingles (Duaran babantayan ed sakey a DVD. Say unona et say rebisadon bersion na Jehovah’s Witnesses​—The Organization Behind the Name.)