Repaso ed Teokratikon Eskuelaan Parad Ministeryo
Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Abril 30, 2007. Ikondukta na manangasikaso na eskuelaan so 30-minuto a repaso a nibase ed materyal ya akobrian diad saray asainmin parad simba na Marso 5 ya anggad Abril 30, 2007. [Paimano: No anggapo iray reperensya kayari na tepet, kaukolan yoy mansukimat a dili pian naromog iray ebat.—Nengnengen so Eskuelaan Parad Ministeryo, p. 36-7.]
KALIDAD NA PANAGSALITA
1. Panon tayon napansiansian simpli so outline na paliwawa tayo? [be p. 168 par. 4]
2. Bitlaen iray apatiran dalan pian nipresenta tayo so materyal ed lohikal a paraan. [be p. 170 par. 3–p. 172 par. 4]
3. Antoray kaukolan a sankanonot tayo sano dedeterminaen no antoy ilaktip ed paliwawa? [be p. 173 par. 1-2]
4. Antoray pigaran bentaha na ekstemporanyon panagpaliwawa? [be p. 175 par. 2-4]
5. Akin ya importante so estilo na panagsalitan singa mitotongtong labat, tan panon tayon nabayuboan iyan kalidad? [be p. 179 par. 4, kahon; p. 180, kahon]
ASAINMIN NO. 1
6. Panon so panparaan na agin laki a say asainmin to et mangiparungtal na highlights manlapud panagbasa ed Biblia? [be p. 47 par. 3-4]
7. Anto so nagkalalo nin importante nipaakar ed dondon nen Kristo nen saray gunggonan naawat tayo panamegley na satan? [w05 11/1 p. 14 par. 1]
8. Panon so nepeg a pangusar na sakey ed saray reperensyan teksto a niimprinta ed outline a paliwawa parad publiko? [be p. 53 par. 1-2]
9. Anto so gagala nen Jesus bilang sakey a managbangat, tan panon tayon aligen? [be p. 57 par. 1]
10. Akin ya epektibo ed panagbangat so pangusar na saray pandumaan? [be p. 57 par. 3-4]
SINIMBAN BABASAEN ED BIBLIA
11. Panon tayon napambanikelan ya iyaplika so simbawa na Jeremias 6:16 a manakar ed “saray daan a basbas to, iner so maong a dalan”?
12. Akin ya inusar nen Jehova so dolakak ed pangiter na leksion parad agmatoor iran Judio, tan antoy naaralan tayo ed saya? (Jer. 8:7)
13. Anto so koneksion na Jeremias 15:17 no nipaakar ed panmoria tayo ed panligliwaan natan?
14. Panon a saray totoo et singa pitek ed lima na Baleg a Domadamili, si Jehova? (Jer. 18:5-11)
15. Anto so kaimportantian ed panaon tayo na samay uksoy na inkilista na saray nasyon ed Jeremias 25:17-26?