Saray Pakabat
◼ Opresin literatura parad Enero: Nayarin iyopresi so anggan dinan a 192-pahina a libro ya impalapag sakbay na 1991. No anggapo irayan daan a libro ed kongregasyon yo, iyopresi so libron Pikakabat odino say brosyur a Mantultuloy a Manbantay! Pebrero: Iyopresi so libron Onapit ed si Jehova. No anggapoy suplay yo ed sayan libro, nayarin iyopresi so libron Pikakabat odino anggan dinan a daan a publikasyon. Marso: Manunan ipresenta so libron Ibabangat na Biblia insan pansagpotan so pangigapo na panangiyaral na Biblia. Abril tan Mayo: Iyopresi so Say Panag-Bantayan tan Awake!. Sano pawilen iray interesado, pati saramay inmatendi ed Memoryal ya agni aktibon mililimog ed kongregasyon, panggunaetan ya opresian ira na libron Ibabangat na Biblia ta pian naiyaralan ira.
◼ Saray kongregasyon so nepeg lan manggawa na saray uksoyan parad selebrasyon na Memoryal ed sayan taon no Abril 2, 2007, Lunes, kaselek na agew. Anggaman nayarin igapo a masakbay so paliwawa, saray emblema ed Memoryal so nepeg ya ipasa no sinmelek lay agew. Anggaman maabig parad kada kongregasyon so panselebra na Memoryal ya anggapo lay katumbokan da, aliwa iyan naynay a posible. No pigaran kongregasyon so manguusar ed saksakey a Kingdom Hall, nayarin mangusar la na arum a pasilidad so sakey odino pigaran kongregasyon diad satan a labi. No posiblin mantumbokan so pigaran kongregasyon, isuheri mi a say pambaetan na saray programa et ag-onkulang ed 40 minuto ta pian sigpot a nagunggonaan so amin ya onatendi ed sayan okasyon.
◼ Say espisyal a paliwawa parad publiko ed 2007 so nagawa ed Simba, Abril 15, 2007. Nipakabat ed saginonor so tema na sayan paliwawa. Saray kongregasyon a bisitaen na manangasikaso na sirkito odino man-asamblea ed satan a sampot-simba so mangiyuksoy ed satan ya espisyal a paliwawa ed ontumbok a simba. Agnepeg ya iyuksoy na kongregasyon so espisyal a paliwawa antis na Abril 15.
◼ Onggapo no Marso, 2007, say balon paliwawa na saray manangasikaso na sirkito parad publiko et atemaan na “Anto so Talindeg Yo ed Arap na Dios?”
◼ Say video a Young People Ask—What Will I Do With My Life? so konsideraen ed Pantitipon Parad Panagserbi no Abril. No nakaukolan yo iray kopya, nepeg a man-order diad panamegley na kongregasyon.
◼ Nepeg a seguroen na saray sekretaryo na kongregasyon a walaan ira na pioneer appointment letter (S-202) parad kada sakey a regular payunir ed kongregasyon da. No anggapo iratan diad salansan da, nepeg dan sulatan so sangan opisina.
◼ Balon Publikasyon:
Pocket Softcover Edition na New World Translation of the Holy Scriptures —Ingles (Andeket odino maroon so kolor na saya.)