Saray Pakabat

◼ Opresin literatura ed Hunyo: Iyopresi so libron Manaral Manlapud Sankamaongan a Managbangat. No ibaga na saray totoo ya anggapoy anak da, iyopresi so libron Liket ed Pamilya. Hulyo tan Agosto: Nayarin iyopresi so anggan dinan a brosyur. Setyembre: Iyopresi so libron Ibabangat na Biblia. Nepeg a panggunaetan so pakapangigapoy panangiyaral na Biblia diad primeron dalaw. Nepeg a pawilen so amin ya apalimaan tekep na gagalan makapangigapo na panangiyaral na Biblia.

◼ Lapud say Hulyo et walaan na limaran sampot-simba, pankanawnawa iyan bulan a pan-auxiliary payunir.

◼ Say video a programan Young People Ask​—How Can I Make Real Friends? so singbaten diad sakey a Pantitipon Parad Panagserbi ed Setyembre. Saramay mankaukolan na kopya so nayarin man-order ed saratan panamegley na kongregasyon.

◼ Bektaman a manplaplano kayon onatendi ed saray pantitipon na kongregasyon, asamblea, odino distriton kombension diad arum a bansa, nepeg ya idirekta ed sangan opisina a mangaasikaso ed satan a bansa so ikerew yo na impormasyon nipaakar ed petsa, oras, tan saray pasen. Saray address na sangan opisina so nilista ed kaplesan a Yearbook.

◼ Irerekomenda a saray aplikasyon parad pan-regular payunir so nepeg ya isubmite ed sangan opisina ed ag-onkulang ed 30 ya agew antis na inkerew a petsa na igapo. Nepeg a repasoen na sekretaryo na kongregasyon so amin a porma pian naseguro a kompleto iratan. No agnanonotan na saray aplikante so eksakton petsa na inkabautismoan da, nepeg a padesiran da itan insan mangisimpen na rekord na satan. Nepeg ya isulat na sekretaryo iyan petsa diad Congregation’s Publisher Record (S-21) a kard.