Saray Pakabat
◼ Opresin literatura ed Abril tan Mayo: Sansakey iran kopya na Panag-Bantayan tan Awake! Sano papawilen iray interesadon totoo, pati saramay inmatendi ed Memoryal odino arum niran teokratikon pantitipon balet ta aliwa nin aktibon mililimog ed kongregasyon, iyapasakey ed pakapangigapo na saray panangiyaral ed Biblia ya usaren so libro ya Anto so Peteg ya Ibabangat na Biblia? Hunyo: Iyopresi so libron Manaral Manlapud Sankamaongan a Managbangat. No ibaga na saray indibidual ya anggapoy anak da, iyopresi so libron Liket ed Pamilya. Hulyo tan Agosto: Nayarin iyopresi so anggan dinan a brosyur.
◼ Magano lan ipaway so 2005 iran tomo na Watchtower tan Awake! tan nayari la natan so man-order. Tandaan ya special-request items iraya tan nepeg ya orderen labat sano walay espisipikon kerew na saray manangipalapag ed saraya. No agni sinmabi iray tomo sano naawat laray order, namarkaan iratan bilang “back-ordered” tan ipawit ed sikayo iray tomo sano naawat la iratan manlapud Brooklyn.
◼ Say sangan opisina so agmangipapawit na indibidual iran kerew parad literatura. Say mangidadaulon manangasikaso so nepeg a mangiyuksoy na sakey ya anunsio a gawaen kada bulan antis ya ipawit na kongregasyon ed sanga so binulan a kerew parad literatura ta pian amin ya interesadon mangala na personal a literatura et nabagaan da so agin laki a mangaasikaso ed literatura. Ipangasin tandaan no dinan iran uusaren so speial-request items.
◼ Bilang panonot, say return address na sangan opisina so agbalot nepeg ya usaren ed dinanman a personal a pisusulatan. Laktipen na satan so amin a sulat tan literatura ya impawit pian mantasi ed interesadon totoo a manaayam ed nisulinek iran pasen. Nayarin labay na manangipalapag ya usaren so personal a return address to, lapud say ministeryo to et mangilalanor ed personal a serbisyo to ed Dios. (Mat. 28:19, 20; Roma 10:14, 15) Balet, no moriaen ton aliwan makabat so pangusar ed dili ton return address sano mantatasi panamegley na sulat, nayari ton usaren so ngaran tan return address na Kingdom Hall.—Nengnengen so “Tepet” ed Mayo 2002 a Ministeryo Tayo ed Panarian.