Saray Pakabat

◼ Opresin literatura ed Disyembre: Nayarin iyopresi so anggan dinan ed sarayan libro: The Greatest Man Who Ever Lived, The Bible​—God’s Word or Man’s?, My Book of Bible Stories, odino Makapambilay Kayo na Ando lan Ando ed Paraiso Diad Dalin. Enero: Anggan dinan a libron impalapag antis na 1991 a wala ni ed suplay na kongregasyon so nayarin iyopresi. Saray kongregasyon ya andian na saray daan a libro so nayarin mangipresenta ed brosyur a Mantultuloy a Manbantay!, a na-order ed sangan opisina. Pebrero: Say libron Onapit ed si Jehova so iyopresi.

◼ No anggapo kayo ed kongregasyon ed pansampot na Disyembre lapud iyatendi yo ed distriton kombension, seguroen a niiter yo iray report yo ed lawak na serbisyo ed manangasikaso na Panagaral na Kongregasyon ed Libro antis kayon onalis. Odino, no arawi so kawalaan yo, nayari yon itawag odino i-text so report yo ed sikato odino ed sekretaryo na kongregasyon, diad ontan et magmamaliw kayon ‘matunong ed dagdaiset.’​—Luc. 16:10.

◼ Teksto parad taon 2006: Say teksto parad taon 2006 so inala ed Gawa 5:29: “Nakaukolan ya unoren mi so Dios, nen saray totoo.” Amin a kongregasyon so nepeg a mangipeket la ed balon teksto na taon diad Kingdom Hall da manlapud Enero 1, 2006.

◼ Say pahina 5 tan 6 na sayan isyu na Ministeryo Tayo ed Panarian so nepeg a simpitan pian nausar nipaakar ed agew na sirkito tan espisyal ya asamblea iran programa parad 2006 a serbisyon taon. Saray mamatatken so nepeg ya alerton mangiyuksoy na saray parte ed Pantitipon Parad Panagserbi antis tan kayari na sirkito tan espisyal iran asamblea, unong ed nidatak ed insert na Disyembre 2004 a Ministeryo Tayo ed Panarian, pahina 4.

◼ Pananguman Nipaakar ed Distriton Kombension: Say kombension ed Valencia City, Bukidnon so nagawa ed Disyembre 2-4, 2005 imbes a Disyembre 9-11.