Saray Pakabat

◼ Opresin literatura ed Hulyo tan Agosto: Anggan dinan a brosyur so nayarin iyopresi. Setyembre: Life​—How Did It Get Here? By Evolution or by Creation? No ag-awaten na saray unabung so opresin libro, ipresenta so brosyur a Mantultuloy a Manbantay! Oktubre: Mangiyopresi na sansakey a kopya na Say Panag-Bantayan tan Awake! Sano walay angipanengneng na interes, ipangasin iparungtal so brosyur a Kakaukolanen.

◼ Diad Sabado, Agosto 27, 2005, wala so inkalapagan a panaglinis diad Ayaman a Bethel ed Quezon City, kanian kapot so opisina ed satan a kabuasan tan anggapo so panag-tour ed satan ya agew. Kapot met so panangalaan na literatura ed satan a kabuasan.

◼ Manlapud primeron simba na Setyembre, saray manangasikaso na sirkito so mangiter na publikon paliwawa ya apauloan na “Onkiwas a Makabat ed Mundon Makulangkulang” sano ondalaw ira ed kongregasyon.

◼ Irerekomenda a saray application parad regular a panagpayunir so isubmite ed sangan opisina diad ag-onkulang a 30 agew sakbay na inkerew a petsa na igapo. Kanian, saramay labay day onggapon manregular payunir diad kagapo na serbisyon taon ed Setyembre 1 so nepeg a mangisubmite la na saray application da ed saray mamatatken kaleganay Hulyo. Nepeg a repasoen na sekretaryo na kongregasyon iray porma pian naseguro a kompleto iratan. No agnanonotan na saray aplikanti so eksakton petsa na bautismo ra, kaukolan a padesiran da so petsa tan isimpen so rekord na satan. Nepeg ya isulat na sekretaryo iyan petsa diad Congregation’s Publisher Record (S-21) a kard.

◼ Nepeg a seguroen na saray sekretaryo na kongregasyon a nawalaan so kada regular payunir ed kongregasyon na Pioneer Appointment Letter (S-202). Tan no anggapo, ipangasin mansulat ed sangan opisina.

◼ Nakaukolan na sangan opisina so nawalaan na suston rekord na saray address tan numero na telepono na amin a mangidadaulon manangasikaso tan saray sekretaryo. Bektaman a walay pananguman, nepeg a kompletoen, pirmaan, tan ipawit a tampol na Congregation Service Committee ed sangan opisina so porma a Presiding Overseer/Secretary Change of Address (S-29). Kabiangan ed saya so antokaman ya impanguman ed saray area code na telepono.

◼ Balon MP3 Compact Disc a Naala:

New World Translation of the Holy Scriptures​—MP3​—Ingles (Anemiran compact disc)