Saray Pakabat

◼ Opresin literatura ed Mayo: Iparungtal so sansakey a kopya na Say Panag-Bantayan tan Awake! Sano papawilen iray interesadon totoo, pati saramay inmatendi ed Memoryal odino arum niran teokratikon pantitipon balet ta aliwan aktibo a mililimog ed kongregasyon, iyapasakey ed pangiyopresi na libron Dayewen so Dios. Nepeg a say gagala et pian makapangigapo na panangiyaral na Biblia, nagkalautla ed saray indibidual ya akapanaral la na libron Pikakabat tan brosyur a Kakaukolanen. Hunyo: Iyopresi so Manaral Manlapud Sankamaongan a Managbangat. No ibaga na totoo ya anggapoy anak da, iyopresi so brosyur a Kakaukolanen tan panggunaetan so pakapangigapo na panangiyaral na Biblia. Hulyo tan Agosto: Anggan dinan a brosyur so nayarin iyopresi.

◼ Say mangidadaulon manangasikaso odino siopaman a pabtangan to so nakaukolan a man-audit ed saray kuenta na kongregasyon no Hunyo 1 odino tampol kayari na satan no nayadyari. Sano agawaan la, iyanunsio itan ed kongregasyon kayarin nibasa so ontumbok a report na saray kuenta.

◼ Diad ontumbok iran bulan ipawit mi ed sikayo iray porma ya usaren na kongregasyon yo diad ontumbok a serbisyon taon. No wala niray arum a porma a kaukolanen yo, nayari yo irayan orderen a singa ed dati, diad pangusar ed Literature Request Form (S-14). Libre iray ipawit a porma, balet maseguron labay na kongregasyon so mankontribusyon parad sankamundoan a kimey pian makatulong ed gastos ed panangimprinta tan panangipawit. Ipangasin imanoen a saray lapel card parad 2005 a Distriton Kombension et ilaktip la ed ipawit iran porma, kanian agla nakaukolan so pan-order ed saraya likud labat no kulang so nipawit. Balet, kaukolan yon orderen iray plastik a pananginay badge panamegley na Literature Request Form.

◼ Balon DVD a Naala:

Noah Walked With God​—David Trusted in God​—Ingles