Saray Pakabat

◼ Opresin literatura ed Disyembre: Anggan dinan ed saray onggendan a libro so nayarin iyopresi: The Greatest Man Who Ever Lived, The Bible​—God’s Word or Man’s?, My Book of Bible Stories, odino Makapambilay Kayo na Ando lan Ando Diad Paraiso ed Dalin. Enero: Anggan dinan iran daan a libro a 192-pahina so nayarin iyopresi. Pebrero: Say libron Onapit ed si Jehova so iparungtal. Marso: Iyopresi so libron Pikakabat diad gagalan makapangigapo na saray panangiyaral na Biblia.

◼ No anggapo kayo ed kongregasyon ed pansampot na Disyembre, seguroen ya iter yoy report yo ed lawak na serbisyo ed Manangasikaso na Panagaral na Kongregasyon ed Libro antis kayon onalis. Odino, no arawdawi so kawalaan yo, itawag odino i-text yoy report yo ed sikato odino ed sekretaryo na kongregasyon, diad ontan et sikayoy ‘matoor ed daiset.’​—Luc. 16:10.

◼ Teksto ed taon 2005: Say teksto ed 2005 so inaon ed Salmo 121:2: ‘Say tulong ko et manlalapu ed si Jehova.’ Amin a kongregasyon so nepeg a mangipeket ed balon teksto ed taon diad Kingdom Hall da kagapo na Enero 1, 2005.